PLAY HARD ❤
TVB經歷一班花旦小生流亡潮後，成功俾到班80後二、三線花旦小生上位，其中有好多位大家日日開電視都會見到。今日小編就揀咗幾位80後講下，唔知大家又最like邊個呢？
袁偉豪（81年出世）
07年憑香港先生冠軍入行，不過做極都系綠葉角色。捱咗多年終於捱出頭，喺《鐵馬戰車》飾演施馬Sir同《EU超時任務》慨郭Sir，呢兩個角色都好受觀眾歡迎。事業有起色，愛情亦得意。佢同12年最上鏡小姐岑杏賢撻著，有傳而家已經同居，可能好快會有好消息。
王浩信（83年出世）
由本來做歌手到而家轉型拍劇慨王浩信，近排獲TVB力捧，啱啱喺《EU超時任務》入面做男主角。佢喺劇入面做足功課飾演圍頭仔（渠頭）入型入格，大結局慨時候更令人印象深刻，仲話要推佢成為今年視帝！TVB亦即時加長4年約綁住佢，前途一片光明！
洪永城（83年出世）
洪永城一過TVB就已經獲力捧，一開始拍劇就好快成為男主角，但系觀眾就好鍾意睇佢主持慨旅遊節目。而佢同唐詠詩慨戀情亦似乎十分穩定，自從兩個一齊咗之後，佢就無曬緋聞，希望佢哋兩個快啲拉埋天窗啦！
張繼聰（80年出世）
13年佢喺《老表，你好嘢！》入面做配角之後，好多觀眾都覺得佢好搞笑。15年更喺《收規華》入面擔正，演技亦獲網民讚賞。佢老婆謝安琪啱啱宣布會暫別樂壇休息，而家要擔起頭家慨佢可能會經常喺劇集出現。
楊明（81年出世）
於1999年加入TVB，不過由於多次惹上官非同負面新聞不斷，曾經被TVB投閒置散，不過近排又被力捧，好快有佢慨《火線下的江湖大佬》出街。佢同龔嘉欣老友鬼鬼，二人更陪對方經歷低潮期。他話如果龔嘉欣到40歲都冇人要，會考慮對方。
黃宗澤（80年出世）
貴為TVB一線小生慨佢而家唔多拍TVB劇。而佢自己有開餐廳，生意仲唔錯添！近排佢被傳媒問到系咪同日籍模特兒Jun拍拖，佢就話：「了解中。」其實而家大台都唔介意藝人公開戀情，點解唔快啲公開呢？
黎諾懿（80年出世）
佢一入行就喺03年《當四葉草碰上劍尖時》擔正做男主角，之後就無再做過主角。直至12年先喺處境劇《愛·回家》中再次擔正男主角，大獲好評。後來同家境富裕慨女友李潔瑩結婚，被傳媒叫佢「五億駙馬」，仲有傳老婆外家送價值4千萬慨西半山豪宅俾佢哋兩公婆住。
羅仲謙（84年出世）
憑著40寸胸肌上位慨佢，雖然經常被網民狠批佢啲戲麻麻，不過仍然被TVB力捧。而佢近排最轟動慨當然系同女友楊怡秘密赴英國搞婚禮啦！
未经允许不得转载：PLAY HARD ❤ » 接棒！TVB 80後上位小生逐個睇！有無你慨心水！
